兩母女黐埋一齊要睇醫生。之前阿媽已經打黎問長問短，話阿女要做婦科檢查。原來發現係睇乳房，想睇大．細．波 。
超！都唔關婦科事。重點係阿女已經2X歲，啲私人野自己過嚟睇就得啦。阿媽又唔知阿女嘅schedule，又話阿女返工好忙又乜又7。又話一至五都黎唔到睇醫生。叫佢禮拜六嘅過嚟睇佢又EE餓鵝。最尾咪又係阿女自己打返黎約，仲約即日添。
問返阿女啲History，全程佢擰轉頭望住阿媽攞Approval。我忍唔住叫佢對住我講嘢，唔係對住阿媽講嘢。佢話兩年前同阿媽買Bra時，俾Sale屎阿姐嫌棄佢兩邊乳房Size唔一樣。阿媽當然順便望埋，跟住覺得有需要睇醫生。但係都等左兩年先睇。今日擇日過嚟，純粹係心血來潮/今日得閒。
佢咁多年來都冇正式望過自己乳房。唔知道係由發育以來都已經係兩邊大細不一，定係突然之間先至有分別。（點解有人從來都冇望過自己身體？突然之間一邊變大，同埋不嬲都兩邊唔同Size，個Management好唔同喎！ ）
我覺得嗰阿媽好煩，已經做檢查嘅時候想叫佢喺出面等，當然失敗左。跟住做完個乳房檢查，我同姑娘3都覺得，1. 阿女肥肥地都只係A Cup有啲唔抵（錯重點）2. 兩邊大細差唔多咋喎。身體本身都唔係完全Symmetrical架啦，點解咁擔心要睇醫生？其實係咪應該對自己身體要多番啲了解呢？
唉！有啲咁High EE嘅阿媽其實都幾難頂。
～～～
提早同大家 trick or treat!
大廚出場！煮完🦐仔，煮🦞！
Search